बिहिबार ०६, मङि्सर २०८१ ०९:४९
पोखरा । कास्की २ मा प्रतिनिधि सभाको उपनिर्वाचनको मतदान हुँदै गर्दा पोखराको नभ प्रभात माबिमा बम विष्फोट भएको छ ।
पोखरा ९ मा रहेको नभप्रभात माविमा बम विष्फोट भएको पत्रकार सरिता तिम्सिना पंगेनीले बताइन् ।
विष्फोटले मैदानमा खाल्डो नै परेको छ । कास्कीका प्रमुख जिल्ला अधिकारी टेकनारायण पौडेलका अनुसार २० मिनेटसम्म रोकिएको मतदान पुन चालु भएको छ ।
उनले अप्रिय कुनै घटना नभएको बताए । संलग्नता भने कसैको खुलेको छैन ।
शुक्रबार मात्रै सुरक्षाकै कारण जनाउँदै डीएसपीको सरुवा गरे पनि जिल्ला प्रशासन कार्यालयको बन्दोबस्ती तथा कार्यक्षमतामाथि गम्भीर प्रश्न उठेको छ ।
कास्की क्षेत्र नं २ मा शनिबार बिहान ७ बजेदेखि प्रतिनिधिसभा सदस्य पदका लागि मतदान शुरु भएको छ । यस क्षेत्रमा ३२ मतदानस्थलका ८२ मतदान केन्द्रमा निर्धारित समयमै मतदान शुरु भएको जिल्ला निर्वाचन कार्यालय कास्कीका प्रमुख महेन्द्रराज सुवेदीले जानकारी दिए ।
प्रायः सबै मतदान केन्द्रमा मतदाता बिहानैदेखि मतदान गर्न लामबद्ध भएका छन् । बिहानको समयमा धेरै बेर मतदान गर्नका लागि कुर्न नपर्नुपर्ने उद्देश्यका साथ कतिपय मतदाता बिहानै मतदान गर्न आएका हुन् । यसैबीच, मतदानस्थलमा सुरक्षाको व्यवस्था कडा बनाइएको छ ।
कास्की क्षेत्र नं २ मा पोखरा महानगरपालिकाअन्तर्गतका ११ वडा पर्छ । यस क्षेत्रमा ७१ हजार ८७१ मतदाता छन् ।
यस क्षेत्रका सांसद रवीन्द्र अधिकारीको हेलिकोप्टर दुर्घटनामा परी निधन भएपछि प्रतिनिधिसभा सदस्य पदका लागि उपनिर्वाचनअन्तर्गत मतदान भइरहेको हो ।
नेपाली काँग्रेस र नेकपाबीच प्रतिस्पर्धा हुने अनुमान गरिएको छ । काँग्रेसबाट त्यागी नेता खेमराज पौडेल ९गुरु० र नेकपाबाट विद्या भट्टराई मैदानमा छन् ।
विद्याले बिहान ९ बजे शान्ति उदयबाट मतदान गर्ने छिन् भने पौडेलले मतदान गर्न पाउने छैनन् ।
प्रतिकृया दिनुहोस