शुक्रबार २०, असार २०८२ ०२:२१
पाँचथर। गतवर्षको तुलनामा अदुवाको मुल्य यसवर्ष तीन गुणाले बृद्धि भएपछि पूर्वी पहाडी जिल्लाका कृषकहरु उत्साहित भएका छन् । गत वर्ष दुई हजार रुपैँया प्रतिमनमा विक्री भएको अदुवा यसवर्ष सात हजार पाँच सय रुपैया प्रतिमनमा विक्री हुन थालेपछि कृषकहरु उत्साहित भएका हुन् ।
अदुवाको भाउ वृद्धि भएसँगै किसान भने उत्साहित भएका छन्। अदुवाको माउ बेच्ने समय सुरु भए सँगै अदुवा व्यापारीहरु अहिले कृषकका घरघरमा पुग्ने गरेका छन् । फागुन र चैतमामा रोपिएको अदुवाको माउ निकाल्ने समय भएपछि अदुवाको खरिदका लागि व्यापारीहरु कृषकहरुको घर–घरमा पुगेका हुन् ।
गत वर्ष भन्दा यस वर्ष अदुवाको भाउ वढेपछि आफूहरु उत्साहित भएको मिक्लाजुङ गाउँपालिका २ का कृषक खगेन्द्र वस्नेतले बताए।
पूर्वी पहाडि जिल्लामा उत्पादित अदुवाको मुख्य वजार भारत हो। यहाँ उत्पादन भएका अदुवा ९० प्रतिशत झापाको काकडिभिट्टा नाका हुदैं भारत निर्यात हुने गर्दछ । भने १० प्रतिशत बंगलादेशमा निर्यात हुदैं आएको छ ।
जिल्लाको कुम्मायक र हिलिहाङ गाउँपालिकामा अदुवा उत्पादनको पकेट क्षेत्र मानिन्छ । जिल्लामा ९ सय ४५ हेक्टर जमिनमा अदुवा खेति गरिने तथ्याङक छ । अघिल्लो वर्ष पाँचथर ७ हजार ५ सय ६० मेट्रिकटन अदुवा उत्पादन भएको कृषि ज्ञान केन्द्र पाँचथरका प्रमुख सागर विस्टले बताए।
प्रतिकृया दिनुहोस