बिहिबार ०६, मङि्सर २०८१ ११:२१
कञ्चनपुरमा एनसेल टावरमा आगजनी लिलितपुरको भैंसेपाटी बम विष्फोटः सुरक्षा गार्ड पक्राउ
भैंसेपाटी बम विष्फोटः सुरक्षा गार्ड पक्राउ
काठमाडौं । लिलितपुरको भैंसेपाटीमा शुक्रबार साँझ भएको बम विष्फोटमा संलग्न भएको आशंकामा एक जना पक्राउ परेका छन् । पक्राउ पर्नेमा बम विष्फोट भएको एनसेलको कार्यालयका सुरक्षा गार्ड छन् ।
“सीसीटीभी फुटेजमा एक व्यक्तिले पोको बोकेर आएको र उक्त पोको त्यहीँ छोडेर हिँडेको देखिएको छ,” प्रहरी प्रवक्ता एसएसपी उत्तम सुवेदीले भने, “सेक्युरिटी गार्डले उक्त पोको उठाएर बाहिर निकालेको देखिएको छ । तर उसले प्रहरीलाई खबर गरेको छैन । किन प्रहरीलाई खबर गरेन भन्ने विषयमा उसलाई पक्राउ गरेर अनुसन्धान थालेका छौं ।”
सुवेदीका अनुसार टाइम बम विष्फोट भएको थियो ।
यसैबीच, विष्फोटमा घाइते भएका तीन मध्ये एक जनाको मृत्यु भएको छ । प्रहरी प्रवक्ता सुवेदीका अनुसार मृत्यु हुनेमा लम्जुङ घर भई हाल भैंसेपाटी बस्दै आएका सिंहबहादुर गुरुङ रहेका छन् । मेडिसिटी हस्पिटलमा उपचारका क्रमम उनको आज विहान मृत्यु भएको हो ।
अन्य दुई घाइते प्रतिक्षा खड्का र उषा मानन्धरको उपचार भइरहेको प्रवक्ता सुवेदीदे जानकारी दिए । शुक्रबार साँझ ८ बजे भैंसेपाटीस्थित एनसेलको कार्यालयमा विष्फोट भएको थियो ।
प्रहरीले भूमिगत विप्लव समूहतर्फ अनुसन्धान सुरु गरिएको जनाएको छ ।
एनसेल टावरमा आगजनी
कञ्चनपुरको शुक्लाफाँटा नगरपालिका–४ असैनामा रहेको एनसेल कम्पनीको टावरमा गए राति आगजनी भएको छ । टावरमा लगाइएको घेरबारको गेटको ताला तोडेर भित्र प्रवेश गरी टावरमा आगजनी गरिएको पाइएको इलाका प्रहरी कार्यालय झलारीका प्रहरी निरीक्षक रमेशदत्त अवस्थीले बताउनुभयो ।
“आगजनीबाट टावरका केबुल र बोर्ड जलेको अवस्थामा रहेको छ”, उहाँले भन्नुभयो, “एनसेल कम्पनीको धनगढीस्थित कार्यालयबाट टावरमा खराबी आएको जानकारी प्राप्त भएपछि तत्काल टावर भएको क्षेत्रमा पुग्दा आगजनी भएको पाइएको छ ।”
टावर रहेको क्षेत्रमा सर्वोच्च अदालतको आदेश नमानेको, सरकारलाई कर नतिरेको र कम्पनीले नाफा आर्जन गरी नेपालमा लगानी नगरेका कारण कारवाही गर्नुपरेको कुरा उल्लेख गरेको पर्चासमेत प्रहरीले फेला पारेको छ । प्रहरीले टावरमा आगजनी गर्नेको खोजीकार्य भइरहेको जनाएको छ ।
प्रतिकृया दिनुहोस