गैरिफन्टामा नेपालीलाई भारत प्रवेश निषेध

धनगढी । सुदूरपश्चिको प्रमुख नाका गौरिफन्टा नाकाबाट भारत प्रवेशमा रोक लगाइएको छ । भारतसँगको गौरिफन्टा नाकाबाट नेपाली नागरिकलाई भारत प्रवेशमा रोक लगाइएको हो । गड्डाचौकी र गौरीफन्टा नाकाबाट भारत प्रवेश गर्न खोजेका नेपालीलाई भारतीय सशस्त्र सीमा बल (एसएसबी) ले फर्काएको पीडितहरूले गुनासो गरेका छन् ।

नेपालको पछिल्लो स्थितीलाई मध्यनजर गर्दै भारतले नेपाली नाकाहरुमा कडाई गरेको छ । नेपाल सगं जोडिएका नाकाहरुबाट आधारकाड बिना प्रवेशमा रमेक लगाएको हो । कैलालीको गौरिफन्टा नाकाबाट समेत भारत प्रवेशमा रोक लगाइएको हो । भारततर्फबाट प्राप्त आदेशका आधारमा रोक लगाइएको र नेपालका विभिन्न कारागारबाट कैदीबन्दी भागेपछि उनीहरू सीमा हुँदै भारत पस्न सक्ने आशंकाले सुरक्षा कडाइ गरिएको बताइन्छ । जसका कारण बिभिन्न कामले भारत प्रवेश गर्ने नेपालीहरु नकामै रोकिएका छन् । भारतमै बसोबास गरिरहेका नेपालीहरु गन्तब्य तर्फ जान नपाएपछि समस्यामा परेका छन् । यसका साथै पितृ कार्यका लागी भारतका तिर्थ स्थल तर्फ जाने नेपालीहरु प्नि नाकामै रोकिएका हुन् ।