बाजुराका स्याउ धनगढी बजारमा

धनगढी – एक रुपैयाँमा ३ दाना स्याउ बेच्न बाध्य बाजुराका किसान ढुवानीमा सरकारी अनुदान पाएपछि खुशी देखिएका छन् । बारीमै थन्किएको सरकारी ढुवानी अनुदानपछि सहकारी संस्थाको पहलमा बजार सम्म पु¥याईएको छ ।

बाजुरामा बारीमै स्याउ थन्किएको समाचार प्रकाशित भएपछि सरकारले ढिलै भएपनि ढुवानी अनुदान दिएर स्याउलाई बजारसम्म पु¥याइएको हो ।

ज्ञान केन्द्रका कृषि प्रसार अधिकृत मिन प्रसाद जोशीका अनुसार स्याउ ढुवानीमा कृषि ज्ञान केन्द्र बाजुराले प्रति किलोग्राम १८ रुपैया ७५ पैसा अनुदान दिएको छ ।
सरकारी अनुदानसँगै स्थानीय सहकारी संस्थाले ढुवानीमा सहयोग गरेपछि बाजुराबाट बुधबार बिहान स्याउले भरिएका मिनि ट्रक धनगढी ल्याइपु¥याएको छ ।

किसानबाट प्रति किलोग्राम २५ रुपैयाँमा खरिद गरिएको स्याउ धनगढीसम्म ल्याउदा प्रति किलोग्राम ९० रुपैयाँ मुल्य पुगेको कार्तिकस्वामी बहुउदेश्यीय सहकारी संस्थाका अध्यक्ष मेखराज शाहीले जानकारी दिए ।

उनले भने–‘सरकारले दिएको ढुवानीबाट किसानको वारी देखि पिलीचौर सम्म पु¥याईयो, त्यहाँबाट धनगढी सम्म सहकारी संस्थाले नै ढुवानी भाडा ब्यहोरेको छ ।’ उनले थपे–‘किसानको बारीमा धेरै स्याउ छ, अझै थप अनुदानको व्यवस्था गरि स्याउलाई बजार सम्म पुर्‍याउने व्यवस्था सरकारले गर्नुपर्छ ।’ बाजुराको स्याउ बजारमा पुगेपछि खरिदका लागी उपभोक्ताको घुइचो देखिएको छ ।

धनगढीमा पुगेको बाजुराको स्याउको प्रति किलो ९० रुपैयाँ र प्रति कार्टुन २ हजार रुपैयाँ लग्ने गरिएको छ । तर धनगढी बजारमा भारतबाट आयात हुने स्याउको मुल्य प्रति किलो १ सय ६० देखि २ सय ४० रुपैयाँ सम्म रहेको छ ।

यसअघि बजार नपाउँदा बजार अभावमा बाजुराको जुकोटका किसानले एक रुपैयाँमा ३ दाना स्याउ बेच्ने गरेका थिए । सडक यातायातको पहुँच नभएपछि बारिमा फलेका स्याउँ बिक्रि नभएर त्यत्तिकै कुहिने गरेका थिए ।

स्वामीकार्तिक खापर गाउँपालिका–३ जुकोटका महेन्द्रबहादुर शाही जस्तै हिमालको नजिकका गाउँका दुई सय भन्दा बढी किसानसँग स्याउँको बगैचा छ । प्रत्येक परिवारको बारीमा कम्तिमा तीन सय देखि १२ सय सम्म स्याउका बोट छन् । सबैको समस्या बजारकै छ । बाजुराको स्वामीकार्तिक खापर गाउँपालिका ३ जुकोट, सोही गाउपालिका १ र २ साप्पाटा हिमाली गाउँपालिका धिम, पाडी, जगन्नाथ गाउपालिका साविकको जगन्नाथ गाविस क्षेत्र र बुढिनन्दा नगरपालिकाकाको साविकको पाण्डुसेन गाविसमा अत्याधिक मात्रामा स्याउ फल्छ ।

गाउँपालिकाबाट कोल्टीमा रहेको बजारसम्म पुगाउन भारी बोकेर दुई दिन लाग्छ । कोल्टीको यातायात बर्षायाममा बन्द हुने भएकाले पनि बजारसम्म पुर्‍याउन समस्या भएको थियो ।

रातो र पहेलो गरी दुई प्रजातीको स्याउ फल्ने बजुरामा २।३० हेक्टर जमिनमा स्याउ खेती गरिदै आएको र प्रति वर्ष एक हजार ५० मेट्रीक टन स्याउ उत्पादन हुने गरेको कृषि प्रसार अधिकृत जोशीले जानकारी दिए ।