नगर शिक्षा ऐन चाडै कार्यान्वयनमा  आउने

शिक्षा

नगर शिक्षा ऐन चाडै कार्यान्वयनमा  आउने 
धनगढी,६ फागुन
धनगढी उप–महानगरपालिकाका प्रमुख नृपबहादुर वडले नगरशिक्षा ऐन पास भैसकेकाले चाँडै  कार्यान्वयनमा ल्याईने बताएका छन् ।
सोमबार सिडलिङ्ग जोन मन्टेश्वरी स्कुलको छैठौं बार्षिकोत्सव कार्यक्रममा बोल्दै नगरप्रमुख वडले ऐनको कार्यान्वयनले शिक्षा क्षेत्रमा देखिएका अन्यौलता हटाउने बताए । निजी र सामुदायीक विद्यालयहरुको ब्यबस्थापनका लागि नगर शिक्षा ऐनको कार्यान्वयन महत्वपूर्ण रहेको बताए । नगरप्रमुख वडले सिडलिङ्ग जोन जस्ता मन्टेश्वरी विद्यालयबाट अन्य विद्यालयहरुले राम्रा अभ्यासहरु सिक्नुपर्ने बताए । सामुदायीक विद्यालय सरह निजी विद्यालयको नियमन समेत गरिने छ नगरप्रमुख वडले भने, निजी विद्यालयले गरेका राम्रा अभ्यासहरु सामुदायीक विद्यालयहरुले पनि सिक्न सक्दछन् । उनले आफुहरु निजी क्षेत्रबाट संचालन भएका विद्यालयलाई प्रोत्साहित गर्ने पक्षमा रहेको बताए । 
निजी र सामुदायीक विद्यालय एक अर्काका परिपुरक भएको बताउदै नगरप्रमुख वडले भने, निजी र सामुदायीक विद्यालयलाई एउटै नितीबाट संचालन गरिनुपर्छ । धनगढीले प्रदेशकै शिक्षा नितीलाई प्रभावित गर्न सक्ने बताउदै नगरप्रमुख वडले भने,‘त्यस कारण पनि हामीले सबै क्षेत्रको असल नेतृत्व लिन सक्नुपर्छ ।
विद्यालयले चाहेर मात्रै पनि पढाईको गुणस्तरमा सुधार आउन नसक्ने बताउदै  नगरप्रमुख वडले भने,‘ त्यसका लागि अभिभावक, विद्यार्थीको भूमिका पनि रहन्छ । सिडलिङ्ग जोन मन्टेश्वरी स्कुलका अध्यक्ष हरी रेग्मीले उप–महानगरपालिकाले चाहेमा आफुहरु साझेदारी गरेर अगाडी बढ्न तयार रहेको बताए । उनले भने,शुल्क तिर्न सक्ने विद्यार्थीबाट उठेको रकमले शुल्क तिर्न नसक्ने वालबालिकाहरुलाई पढाउन सकिन्छ । त्यसैगरी सोमबार नै धनगढीको हसनपुर स्थीत नन्दीनाज मन्टेश्वरी स्कुलको बार्षिकोत्सव कार्यक्रमको नगरप्रमुख वडले उद्घाटन गरेका छन् ।