स्वाँर प्यानलबाट पदाधिकारीका उम्मेदवार

स्वाँर प्यानलबाट पदाधिकारीका उम्मेदवार

युग संवाददाता 480 पटक पढिएको

धनगढी । कैलाली उद्योग वाणिज्य संघको नयाँ नेतृत्व चयनको लागि चुनावी सरगर्मी सुरु भएको छ । संघको नेतृत्वका लागि अहिलेसम्म वर्तमान कार्यसमितिका बरिष्ठ उपाध्यक्ष पुष्करराज ओझा र संघका पूर्वमहासचिव रुपेस स्वाँरले टीमसहित प्रतिस्पर्धाको तयारीमा छन् ।

स्वाँरको प्यानलबाट बरिष्ठ उपाध्यक्षमा केशव जोशी, उपाध्यक्ष उद्योगतर्फ लक्ष्मण पन्त, उपाध्यक्ष एशोसियटमा अनिलकुमार भुजनिया, उपाध्यक्ष वाणिज्यतर्फ राधिका चौधरी र वस्तुगततर्फको उपाध्यक्षमा सिद्धराज पनेरुले उम्मेदवारी दिने तयारी छ । त्यस्तै यो प्यानलबाट महासचिवमा सुरेश पाण्डेय, कोषाध्यक्षमा तिलक बोहरा र सचिवमा प्रकाश चन्दले उम्मेदवारी दिँदै छन् ।

अध्यक्षमा उम्मेदवारी दिने तयारी गरेका ओझा पनि प्यानल निर्माणको तयारीमा जुटेका छन् ।

शनिबार ३२, साउन २०८२ ०९:०८ मा प्रकाशित