बसन्ताका किसानहरु आकाशमा कालो बादल लाग्दा चिन्तीत

धनगढी साउन १९  कैलारी गाउँपालिका–७ छटकपुर,भुँइयाफाँटा,वडुका,बसन्ताका किसानहरु आकाशमा कालो बादल देख्दा  चिन्तीत हुने गरेका छन् ।

त्यो  क्षेत्रमा प्रत्येक वर्ष कटैनी नदीमा आउने बाढिले लगाएको अन्नबाली सखाप गर्नुका साथै सयौँ घर डुबानमा पर्दै आएका छन् । ‘आकाशमा जब बादल मडारिँन सुरु हुन्छ तब रातभर जाग्राम बस्नु पर्ने हुन्छ’ कैलारी गाउँपालिका ७ का महावीर चौधरीले दुःखेसो पोख्दै भने ‘गत वर्ष २ बिगाहमा लगाएको धानबाली बाढीले बगाएर लग्यो । बाढीका कारण अर्र्को बर्ष पुग्ने गरी खाद्य सामाग्री जोह गर्नुपर्ने गरेको उनले बताए ।

प्रत्येक बर्ष बाढीका कारण खेतबारीमा लगाएको धानबाली बगरमा परिणत हुने गरेको उनले बताए । छटकपुर क्षेत्रमा १९५ घर धुरी रहेको र १३५ जना कृषि पेसा गर्दै आएका छन् । उनले भने ‘६० जना अन्य काम गर्दै आएका छन् । खेतबारी छैन खानेकुराको जोह गर्न काम त गर्र्नु नै पर्छ । यहाँ पुलपुलेसा,सडक बिग्रिदा हामीले काम गर्नुपर्छ उनीहरु सहभागी हुदैनन् सो बाफत ५ देखि १० हजार समुहमा जम्मा गर्ने गर्छन् ।’
उनले भने ‘बाढी आउने डरले यो बर्ष पूर्वतयारी गरिसकेका छौँ । खाद्यसामाग्री घरको माथिल्लो तला राख्ने काम भएको छ ।’

बाढीको पूर्वतयारीका लागि साइरन,माईकको व्यवस्था समेत गरेको उनले बताए । हरेक बर्ष बाढीमा साईरन बज्ने गरेको बताउँदै उनले १२ बजे पनि साइरन बजाउने र माईकबाट सुरक्षित स्थानमा बस्न आग्रह गर्ने गरिएको बताए ।

छटकपुर बिपद व्यवस्थापन समिति निर्माण पनि गरेको उनले बताए । उनले भने ‘म आफै अध्यक्ष हुँ। ६ जनाको टोली छ,उनीहरुले बाढीमा फसेकाको उद्धार र कस्को घरमा पानि पसेको छ पत्ता लगाउने काम गर्छन् ।’ बाढीका कारण सबैभन्दा त्रसित छटकपुरबासी हुने गरेको उनले बताए । ‘हाम्रो सबै जमिन कटैनी नदी पारी रहेको छ । गत बर्ष लगाएको काठको पुल पुरै नदीले बगाउँदा साह्रै दुख पाइृएको छ’ उनले भने ।
‘सो पुल निर्माण गर्दा करोडौँ लाग्ने गर्दछ’ उनले भने ‘राज्यको यस क्षेत्रमा चासो रहेको छैन ।

हामीले काठको पुलबाट डल्लव लिएर खेतबारी जोत्न जानु पर्छ यसपाली पनि काठको पुल जसोतसो गरी पुल निर्माण गरेका छौँ ।’ राहत कसैबाट नपाइएको उनले बताए । ‘हामीलाई दुःख कष्ट धेरै छ । पानी पर्दा निद्रा लाग्दैन के गरौँ कसो गरौँ हुन्छ’, उनले दुःखेसो पोख्दै भने ‘यसपाली पानी त परेको छैन तर पनि चिन्ता लागिरहन्छ ।

त्यस्तै वडा नं। ५ बस्ने लालवीर चौधरीको चिन्ता पनि उस्तै छ । उनले भने ‘हाम्रो वडामा २ सय जना जति बस्छन् । बर्षातको समय पानी पर्दा पुरै घर डुबानमा पर्ने गर्छन् ।’ खेतबारीमा लगाएको धानबाली सबै सखाप हुने गरेको उनले बताए । यस क्षेत्रको बाढी व्यवस्थापनका लागि कसैको चिन्ता नहुने गरेको उनी दुःखेसो पोख्छन् ।