हुम्लामा पहिरोले घर पुरिँदा ४ बालबालिकाको मृत्यु

युग संवाददाता 123 पटक पढिएको

हुम्ला / हुम्लाको चंखेली गाउँपालिका–६ मा पहिरोले एक घर पुरिँदा ४ जना बालबालिकाको मृत्यु भएको छ ।

लगातार परेको पानीले घरमाथि पहिरो जाँदा घर पुरिएको बताइएको छ । स्थानीय ध्रुवकुमार शाहीले बताए । पहिरोमा परि घाइते ३ जनाको उद्धार गरिएको छ । सदरमुकाम सिमकोटबाट ३ दिन हिँडेपछि घटनास्थल पुगिने बताइएको छ ।

घाइते ३ जनाको स्थानीय स्वास्थ्यचौकीमा उपचार भइरहेको छ । अहिले पनि झरी परिरहेकोले पुरिएकाको शव निकाल्न नसकिएको बताइएको छ ।

सोमबार २४, असोज २०७९ ०९:५९ मा प्रकाशित