अबिरल वर्षापछि यस्तो देखियो धनगढीको पार्कमोड

युग संवाददाता 125 पटक पढिएको

धनगढी,२० असोज । बिहीबार (आज) बिहान देखि परेको अविरल वर्षाले धनगढीको पार्कमोड डुबानमा परेको छ । निरन्तरको वर्षापछि आज पनि पार्कमोडमा पानी जमेको हो ।

उचित ढल निकासको व्यवस्थापन नहुँदा यहाँ बर्षेनि डुबानमा पर्दै आइरहेको छ । केही समय अघि धनगढी उपमहानगरपालिकाले नाला सफा गरे पनि फेरि पार्कमोड डुबानमा परेको हो ।अहिले सो ठाउँमा धनगढीको नगर सफाई प्रहरीले नाला सफाई गरिरहेको छ ।

हाल नेपालमा दक्षिण-पश्चिम बंगालको खाडी र आन्द्र प्रदेश आसपास बनेको न्यून चापीय क्षेत्रको प्रभाव रहेको छ।

देशभर सामान्यदेखि पूर्ण बदली रहेकाले सुदूरपश्चिम सहित बागमती प्रदेश, गण्डकी प्रदेश, लुम्बिनी प्रदेश र कर्णाली प्रदेशका धेरै र बाँकी प्रदेशका थोरै स्थानहरूमा हल्कादेखि मध्यम वर्षा भइरहेको छ।