बिहिबार ०६, मङि्सर २०८१ १२:३७
धनगढी । सशस्त्र प्रहरीले भन्सार छलेर ल्याइएका अवैध कपडा तथा हार्डवयरका सामग्री आइतबार बरामद गरेको छ ।
जिल्लाको धनगढी उप–महानगरपालिका–१० सुडाघाट र कैलारी गाउँपालिका –५ शिवरतनपुरमा भारतबाट अवैध रुपमा ल्याउँदै गरेको अवस्थामा रु. ६० हजार ५ सय ७० बराबरको सामान बरामद गरिएको सशस्त्र प्रहरी बल नेपाल नम्बर ३४ गण हेड क्वाटरले जनाएको छ ।
बरामद गरिएका सामान भन्सार कार्यालयमा दाखिला गरेको जनाइएको छ । सशस्त्र प्रहरी बल नेपाल नम्बर ३४ गण हेड क्वाटरले सीमा क्षेत्रमा हुने चोरी तस्करी नियन्त्रणका लागि निगरानी बढाएको छ ।
प्रतिकृया दिनुहोस