बिहिबार ०६, मङि्सर २०८१ १२:४८
प्रहरीले अबैध काठ सहित ट्याक्टर र त्यसमा संलग्न ५ जनालाई नियन्त्रणमा लगेको छ ।
धनगढी साउन ७ जिल्ला प्रहरी कार्यालयको गस्ती टोलीले धनगढी उपमहानगरपालिकाको देवरीयामा धनगढी ७ का नरेश चौधरी, बिनु चौधरी, बिरबहादुर चौधरी सहित से २ त ७२, से १ त ५३७३ र से २ त १८५३ नम्बरका ट्याक्टर पक्राउ गरिएको प्रहरी प्रबक्ता प्रहरी नायव उपरिक्षक प्रतिक बिष्टले जानकारी दिए ।
उनका अनुसार ट्याक्टरमा १ सय ९५ दशमलब ८८ क्युफिट काठ रहेको थियो । काठ, ट्याक्टर र त्यसमा संलग्न ३ जनालाई आवश्यक कार्वाहीका लागि जिल्ला वन कार्यालय कैलाली पठाईएको छ ।
यसैगरी धनगढी उपमहानगरपालिका ६ जाली स्थित करन चौधरीको घर नजिक लुकाई राखेको अबस्थामा बिभिन्न साईजका चिरान गरि राखिएका ९ वटा गोलिया र बिभिन्न साईजका १ सय २२ कडी बरामद गरिएको प्रहरी नायव उपरिक्षक बिष्टले जानकारी दिए ।
सोही क्रममा धनगढी ६ जालीकै करन चौधरी र सुरज चौधरीलाई समेत पक्राउ गरि काठ सहित उनीहरुलाई आवश्यक कार्वाहीका लागि वन कार्यालय पठाईएको बिष्टले बताए ।
प्रतिकृया दिनुहोस