शुक्रबार ०७, मङि्सर २०८१ ११:४६
धनगढी पश्चिम रुकुम घटना प्रकरण सत्यतथ्य छानविनकोमाग गदै आज कैलालीको जिल्ला प्रशासन कार्यालय अगाडी विरोध प्रर्दशन गरेको छ ।
मुक्तिका लागि साझा अभियान संघर्ष समितिले धनगढीमा विरोध प्रदर्शन गरेको हो ।
गत शनिबार पश्चिम रुकुमको चौरजहारीमा अन्तरजातीय विवाहको विषयमा पाँच जनाको हत्या र एक जना बेपत्ता भएको घटनाको सत्यतथ्य छानविन हुनुपर्ने माग सहित समितिले प्रदर्शन गरेको हो ।
हत्यारालाई कडाभन्दा कडा कारबाही गर्नुपर्ने, वेपत्ताको यथाशिघ्र खोजी गर्नुपर्ने लगायतका नाराजुलुस गरेका थिए । समितिका संयोजक प्रेम विसीको नेतृत्वमा सो प्रदर्शन गरिएको नेपाल तरुण दलका केन्द्रीय प्रतिनिधी अमृत विसीले जानकारी दिए ।
सरकारले घटनाको निष्पक्ष छानबिन गरेर दोषीलाई कानुनी कार्वाहीको दायरा ल्याएर यस्ता अमानवीय घटना हुन नदिन सरकार सचेत हुनुपर्ने संयोजक प्रेमले माग गरे ।
जाजरकोटको भेरी नगरपालिका राना गाउँका नवराज विकले सोतीकी मल्ल थरकी आफनी प्रेमिका भगाउन साथीहरु लिएर गएकोमा उनीहरुमाथि आक्रमण गरिएको थियो । आक्रमणमा नवराज सहित उनका पा“च जना साथी मारिएका छन भने एक जना अझै वेपत्ता छन ।
प्रतिकृया दिनुहोस