सुदूरपश्चिममा स्वास्थ्य विमा कार्यक्रममा आकर्षण कम

   धनगढी सुदूरपश्चिम प्रदेशमा हालसम्म कुल जनसंख्याको १२ प्रतिशत जनसख्या स्वास्थ्य विमा कार्यक्रममा आवद्ध भएका छन् ।  

विमा बोर्ड सुदूरपश्चिम प्रदेश कार्यालयका अनुसार २०६८ को जनगणना अनुसार प्रदेशको कुल जनसंख्या २५ लाख ५२ हजार पा“च सय १७ रहेकोमा हालसम्म स्वास्थ्य विमा कार्यक्रममा दुई लाख ५६ हजार ६ सय ६० जना आवद्ध भएका छन् ।
सुदूरपश्चिम प्रदेशमा कैलालीमा सबैभन्दा बढि स्वास्थ्य विमित रहेका छन् भने दार्चुलाबाट हालसम्म सबैभन्दा कम स्वास्थ्य विमित रहेका छन् । विमा बोर्डका अनुसार गरिव घरधुरी पहिचान भइसकेका जिल्लामा विमितको संख्या बढी भए पनि पहिचान नभएका जिल्लामा सहभागिता अवस्था कमजोर रहेको देखिएको छ ।
सरकारले कैलाली, अछाम, बझाङ र बाजुरा जिल्लामा गरिव घरधुरी पहिचान गरि परिचयपत्र वितरण गरिसकेको छ । प्रदेशका अन्य पा“च जिल्लामा भने पहिचान हुन बा“की रहेको छ ।
विमा बोर्डका अनुसार कैलालीमा १ लाख ३९ हजार आठ सय २० जना स्वास्थ्य विमामा आवद्ध भएका छन् । भने दार्चुलामा ६ हजार जना मात्रै हालसम्म आवद्ध भएका छन् ।
त्यस्तै, बझाङमा ३० हजार ४ सय ५०, बाजुरामा २६ हजार ६ सय ५० जना, अछाममा २७ हजार जना , बैतडीमा १३ हजार र कञ्चनपुरमा १० हजार ७ सय जना स्वास्थ्य विमित भएको प्रदेश कार्यालय धनगढीका प्रदेश संयोजक जनक साउंदले बताए  ।
सुदूरपश्चिम प्रदेशमा अहिलेसम्म ३९ हजार तीन सय एक जनाले स्वास्थ्य विमा कार्यक्रमबाट स्वास्थ्य सेवा लिइसकेको जनाइएको छ । आर्थिक २०७५÷२०७६ मा  विमा कार्यक्रम अन्र्तगत प्रदेशका सात जिल्ला गरि ३ करोड ८१ लाख पा“च हजार दुई सय ६२ रुपैया लगानी भइसकेका प्रदेश संयोजक जनक साउंदले बताए  छ ।

सुदूरपश्चिम प्रदेशका नौ जिल्लामध्ये हालसम्म सात वटा जिल्लामा स्वास्थ्य विमा कार्यक्रम लागु भइसकेको छ । सुदूरपश्चिम प्रदेश सरकारले यसै वर्ष डडेल्धुरा र डोटीमा विमा कार्यक्रमलाई विस्तार गर्ने लक्ष्य लिएको छ ।
सरकारले हालसम्म देशभरीका ४ सय ८८ वटा स्थानीय तहमा स्वास्थ्य विमा कार्यक्रम विस्तार गरिसकेको  छ । विमा कार्यक्रम विस्तारका लागि ११ जिल्ला पहिचान भइसकेकाले छिट्टै ती जिल्लामा कार्यक्रम लागू गरिने पनि उनले  बताए ।
स्वास्थ्य विमा नविकरण गर्ने बढ्दै
नेपाल सरकारले २०७२ साल चैत २५ गतेबाट पहिलो चोटी कैलाली जिल्लाबाट स्वास्थ्य विमा कार्यक्रम शुभारम्भ गरेको थियो ।
शुरुमा कैलालीमा पा“च सय दुई घरधुरी यो कार्यक्रममा समावेश भएका थिए । विमा शुरु भएको एक वर्षपछि नविकरण भने एक सय १२ घरधुरीले गरेका थिए । शुरुमा नविकरण गर्नेको संख्या २२ प्रतिशत मात्रै रहेकोमा अहिले भने सुदूरपश्चिम प्रदेशमा नविकरण गर्नेको संख्या ६० प्रतिशत पुगेको प्रदेश विमा वोर्डले जनाएको छ ।
बोर्डका अनुसार २०७५ साउन १ गतेसम्म प्रदेशमा दुई हजार आठ सय ४९ घरधुरी विमामा आवद्ध भएकोमा २०७६ साउनसम्म एक हजार सात सय २६ घरधुरीले नविकरण गरेका छन् ।